16 & 17 MEI 2025

Aporte finansiero

Kon mi ta pidi un aporte finansiero?

Despues ku bo kaba di inskribí bo organisashon i djòp bo por pidi aporte finansiero. Den Mi profil bo ta haña bou di bo djòp un link “Aporte finansiero”.

Tene kuenta:

  • E link akí ta funshoná sólamente si bo ta buska un mínimo di 10 boluntario. Si bo a yena e datonan akí bo petishon por ser kompletá.
  • Te dia 30 di yanüari 2023 por hasi e petishon, pero no warda te último momentu pasó presupuesto ta limitá! 

Kondishon pa pidi un aporte finansiero

  1. Bo organisashon ta un fundashon òf sosiedat ofisial ku tin su propio kuenta na banko;
  2. Bo djòp ta riba e website: www.bondoet.com
  3. E djòp ta pas ku e karakter di BON DOET: riba 15 i/òf 16 di mart 2024 bo organisashon ta buska hende nobo ku ta bai hasi algu konkreto pa bo organisashon;
  4. Pa kada djòp bo ta buska 10 hende mínimo. Di esakinan no mas ku mitar por ta liá na bo organisashon komo boluntario kaba;
  5. Ta 1 aporte finansiero por haña pa kada direkshon/lokalidat/adrès;

Atenshon: Nos ke duna mas tantu organisashon posibel un aporte finansiero, pero e presupuesto tin límite. Si bo trabou no ta konta ku tur e puntonan aki riba, bo no por haña finansiamentu. Esei no ta kita ku bo organisashon por partisipá den BON DOET! P’esei registrábo djòp lihé. Asina boluntarionan ta haña bo fásil.

Kiko nos ta paga?

  • Material brutu manera fèrf i kos ku mester pa fèrf kuné, palu, waya i staka pa tranké, material di limpiesa, palu i mata, hèrmènt chikitu di metal, èts;
  • Hür di hèrmènt òf aparato grandi manera trapi, mashin di limpia ku preshon, mashin pa koba buraku, skòp i chapi, èts;
  • Ko’i kome i bebe pa tene stoma di hende ku ta traha duru, máksimo USD 150,-.

Sólamente pa instituto/organisashon pa hende grandi, tehuizen i persona ku limitashon físiko òf mental:

  • Gastu di un eskurshon, manera hür di konvoi i preis di entrada;
  • Pago pa artista manera payaso i kantante, òf pa hasidó di kabei òf di kara den kaso di un dia (òf mèrdia) pa malkriá nan poko: Máksimo USD 375.-;
  • Den kaso ku bo aktividat ta sea un desayuno, un kuminda mèrdia òf algu por estilo bo por uza e montante kompleto pa kuminda i bibida.

Loke sigur nos no ta kompensá

  • Trabou òf organisashon ku no ta kumpli ku e kriterionan general;
  • Kompra di hèrmènt of kos di uzo;
  • Material pa dòrna e lugá;
  • Premio pa bingo òf otro sorto di wega;
  • Gastu di imprenta òf material di promoshon;

Pidi plaka: atministrashon

Yena e formulario online i primi save. Bo petishon mester ta entregá mas tarda 30 di yanüari 2023. No lubidá di warda un kopia pa bo mes atministrashon. 
Mas tempran bo pedida ta entregá, mihó. Oranje Fonds tin un máksimo di € 1,5 mion pa gasta pa petishonnan di finansiamentu relashoná ku NLdoet, ARUBA DOET, BON DOET, CURA DOET, STATIA DOET i SXM DOET.

E prosedimentu finansiero

Si nos aprobá bo petishon pa BON DOET (kompleto òf parsial) bo ta haña notifikashon di esei via di BON DOET TEAM. Pa mas tardá kuminsamentu di mart bo ta haña e montante akordá depositá riba kuenta di banko di bo organisashon. Asina bo por hasi bo kompras na tempu.