Kiko tur bo tin ku yena?
- E informashon di kontakto di e djòp i di bo organisashon;
- Un deskripshon kla di e djòp ku entusiasmo skirbí;
- E kantidat di boluntario ku bo ta buska i indiká si nan mester di kualkier abilidat speshal pa por hasi e djòp;
Bo djòp ta sali riba e wèpsait aki i e boluntarionan ku ta interesá por inskribí nan mes pa bo djòp riba e wèpsait.
Aporte finansiero
Bo djòp por bini na remarke pa un aporte finansiero di máksimo USD 650,- di Oranje Fonds. Lesa mas
Mester di yudansa?
Bo mester di yudansa pa pensa un bunita djòp, bo ke mas publisidat pa bo djòp, òf bo ke sa kon bo por haña mas boluntario pa bo djòp? BON DOET TEAM por yuda bo ku esaki. BON DOET TEAM tambe ta sòru pa hasi promoshon pa BON DOET, pero kada organisashon mester yuda ku e buskamentu di boluntario. Nos ta hasi'é huntu!
Tambe bo por hasi uso di e "Klushulp". Einan por haña tur sorto di tep i konseho. Bo ta hañ’é te ariba na man drechi riba e página aki.
Tene kuenta ku esaki
Oranje Fonds ni BON DOET TEAM no ta para responsabel pa ningun aksidente òf daño durante BON DOET. Nos ta pidi tur e organisashonnan pa tene kuenta ku siguridat di nan boluntarionan i otro partisipantenan i no tuma ningun riesgo. Laga djòpnan tékniko den man di profeshonal. Sòru pa boso organisashon tin bon seguro.
Bo ke sa mas?
Komo organisashon komunitario bo tin intenshon di partisipá den BON DOET? Bo ke konsultá tokante e posibilidatnan òf bo ta buskando inspirashon? Tuma kontakto anto ku BON DOET TEAM awe mes na +599 717 2366 òf imeil ngo.bondoet@gmail.com
